ಮಹಿಳೆಯರು ಪುರುಷರ ಯಾವ ಹವ್ಯಾಸ ಇಷ್ಟಪಡೋದಿಲ್ಲ ಎಂಬುದನ್ನು ಹೇಳುತ್ತೆವೆ. ನಿಮಗೂ ಈ ಹವ್ಯಾಸವಿದ್ರೆ ನಿಮ್ಮ ಸಂಗಾತಿಗಾಗಿ ಇಂದೇ ಅದನ್ನು ಬಿಟ್ಬಿಡಿ.
ಮಹಿಳೆಯರಿಗೆ ಸ್ಪಂದಿಸದ ಸಂಗಾತಿ : ಮಹಿಳೆಯರು ಪ್ರೀತಿ ಬಯಸ್ತಾರೆ. ಅದ್ರ ಜೊತೆ ತಮ್ಮ ಭಾವನೆಗೆ ಬೆಲೆ ಕೊಡುವ ವ್ಯಕ್ತಿಯನ್ನು ಇಷ್ಟಪಡ್ತಾರೆ. ಆದ್ರೆ ಮಹಿಳೆಯರಿಗೆ ಸ್ಪಂದಿಸದ ವ್ಯಕ್ತಿ ಅವರಿಗೆ ಇಷ್ಟವಾಗುವುದಿಲ್ಲ. ಅನೇಕ ಬಾರಿ ಪುರುಷರು ಪ್ರಾಬಲ್ಯ ಮೆರೆಯಲು ಪ್ರಯತ್ನಿಸುತ್ತಾರೆ. ಯಾವುದೇ ಕೆಲಸವಿರಲಿ, ಮಹಿಳೆಯರ ಅಭಿಪ್ರಾಯಕ್ಕೆ ಮನ್ನಣೆ ನೀಡಿವುದಿಲ್ಲ. ಅವರನ್ನು ಗದರಿಸ್ತಾರೆ. ಅಂಥ ಪುರುಷರನ್ನು ಮಹಿಳೆಯರು ದೂರ ಇಡುತ್ತಾರೆ. ಇಂಥ ಸ್ವಭಾವದ ಪತಿ ಜೊತೆ ಸಂಬಂಧ ಚೆನ್ನಾಗಿರಲು ಸಾಧ್ಯವಿಲ್ಲ.
ಕೊಳಕಿನ ಪುರುಷ :
ಅನೇಕ ಪುರುಷರು ಎಲ್ಲದಕ್ಕೂ ಇತರರ ಮೇಲೆ ಅವಲಂಬಿತರಾಗಿರುತ್ತಾರೆ. ಅವರಿಗೆ ಸ್ವಚ್ಛತೆಯ ಬಗ್ಗೆ ಆಸಕ್ತಿ ಇರುವುದಿಲ್ಲ. ಸದಾ ಕೊಳಕಿನಲ್ಲಿರ್ತಾರೆ. ಅವರಿಗೆ ತಮ್ಮ ಹಾಗೂ ಸುತ್ತಮುತ್ತಲಿನ ಸ್ವಚ್ಛತೆ ಬಗ್ಗೆ ಆಸಕ್ತಿ ಇರೋದಿಲ್ಲ. ಕೊಳಕಾದ ಬಟ್ಟೆ ಧರಿಸುವ ಜೊತೆಗೆ ಮನೆ ವಸ್ತುಗಳನ್ನು ಚೆಲ್ಲಾಪಿಲ್ಲಿ ಮಾಡಿಟ್ಟುಕೊಂಡಿರ್ತಾರೆ. ಮಹಿಳೆಯರು ಅಂತಹ ಪುರುಷರನ್ನು ಇಷ್ಟಪಡುವುದಿಲ್ಲ. ಸ್ವಚ್ಛತೆ ವಿಷ್ಯಕ್ಕೆ ಪುರುಷರ ಜೊತೆ ಅವರು ಆಗಾಗ್ಗೆ ಜಗಳವಾಡುತ್ತಾರೆ. ಇದೇ ಜಗಳ ಸಂಬಂಧ ಮುರಿಯಲು ಕಾರಣವಾಗುತ್ತದೆ.
ಸಂಬಂಧದಲ್ಲಿದ್ದ ಹುಡುಗಿಯರನ್ನು ಫ್ಲರ್ಟ್ ಮಾಡುವ ಹುಡುಗರನ್ನು ಮಹಿಳೆಯರು ಇಷ್ಟಪಡುವುದಿಲ್ಲ. ಸಂಗಾತಿ ಮೇಲೆ ಸಂಶಯಪಡಲು ಮಹಿಳೆಯರು ಶುರು ಮಾಡ್ತಾರೆ. ಪುರುಷರ ಫ್ಲರ್ಟಿಂಗ್ ಅಭ್ಯಾಸ ಮಹಿಳೆಯರಲ್ಲಿ ಅಭದ್ರತೆಯ ಭಾವನೆ ಮೂಡಿಸುತ್ತದೆ.
ಸಂಗಾತಿ ಸ್ನೇಹಿತರ ಜೊತೆ ವರ್ತನೆ :
ಕೆಲವು ಪುರುಷರು ತಮ್ಮ ಹೆಂಡತಿ ಅಥವಾ ಸ್ನೇಹಿತರ ಜೊತೆ ಆರಾಮದಾಯಕವಾಗಿರುವುದಿಲ್ಲ. ಅವರ ಜೊತೆ ಹೆಚ್ಚು ಬೆರೆಯುವುದಿಲ್ಲ. ಸಂಗಾತಿ ಸ್ನೇಹಿತರನ್ನು ಮಾತನಾಡಿಸುವುದಿಲ್ಲ. ಆದ್ರೆ ಅವರ ಈ ನಡವಳಿಕೆಯು ಅವರ ಸಂಗಾತಿ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದು ಅವರಿಗೆ ತಿಳಿಯೋದಿಲ್ಲ. ಹಾಗಾಗಿ ಕೆಲವು ಮಹಿಳೆಯರು ಇಷ್ಟಪಡುದಿಲ್ಲ.
ಸುಳ್ಳು ಹೇಳುವ ಸಂಗಾತಿ :
ಕೆಲವು ಪುರುಷರು ಮಾತಾಡಿದ್ರೆ ಸುಳ್ಳು. ಸಣ್ಣ ಸಣ್ಣ ವಿಷ್ಯಕ್ಕೂ ಸಂಗಾತಿ ಮುಂದೆ ಸುಳ್ಳು ಹೇಳ್ತಾರೆ. ಇದ್ರಿಂದ ಸಂಗಾತಿಯ ನಂಬಿಕೆಗೆ ಧಕ್ಕೆಯುಂಟಾಗುತ್ತದೆ. ಇಬ್ಬರ ಮಧ್ಯೆ ಪಾರದರ್ಶಕತೆ ಕಡಿಮೆಯಾಗಲು ಪ್ರಾರಂಭಿಸುತ್ತದೆ. ಸದಾ ಸುಳ್ಳು ಹೇಳುವ ವ್ಯಕ್ತಿಯನ್ನು ಮಹಿಳೆಯರು ಇಷ್ಟಪಡುವುದಿಲ್ಲ. ಆತನ ಪ್ರತಿ ಮಾತನ್ನು ಸಂಶಯದಿಂದ ನೋಡಲು ಶುರು ಮಾಡ್ತಾರೆ.